Die Leitsätz von de Gemaanützisch Kängeru Kinnerdoagesstädden
Wissbaade GmbH

Miä sinn die Gemaanützisch Kängeru Kinnerdoagesstädden Wissbaade GmbH unn bedreibe Kinnergädde in Wissbaade.

Miä gehöre als hunnerdbrozenndisch Dochdergesellschafd zu de Famillje von de IFB Inkluschon dorsch Ferderung unn Bedreuung e.V.. 

Mir biede Odde deä Geborscheheid unn Liebe für e rischtdisch klasse Kindheit.

Miä freue uns uff alle Kinnersche im Alder vun null bis zeh Johr. Mir sinn neugirisch uff die Persehnlischkeid vunn jedem einzelne Kind duhn es verandwoddungsvoll dursch sei indevidielle Entwigglungsfahse begleide. Miä ojendiere unns an de jeweilisch Bildungs- blähn unn miä leesche besonnern Wärd uff die Endwigglung vunn de soziale Gombedenz.
Bei uns derf sisch jedä wohlfiehle: Kinner, Eldern, Kolleschinne unn Kollesche, Uffsischdsbeherde und Gostedrääscher.
 

Miä sinn in unserne Abbeid froindlisch, owwe und gombedend.

Miä gehe wertschäzzend midenannä um unn zaische des aach nach ause. Enscheidunge und  dene ihr Hinnergründ wern dransbarend gemescht. Unser Brofessionallidääd schteischern miä indem miä unns schtändisch weiderbilde unn unsern Schaff griddisch
unn gonsdrugdief hinnerfrache. Miä verschdehn die Zesamme- abbeid mit de Eldern als Erziehungspaddnerschafft, wo mer die Bodensiale vunn beide Seide im Sinne des Kinnes nutze muss.